Ua aga atu nei le vaega o le Puipuiga a Niu Sila ma leoleo mo le laumua o le atu Solomona o Honiara e fesoasoani ai ile toe faatumauina o le filemu ile atunuu mai vevesi e pei ona aliae mai ise taimi e lei mamao atu.

O le minisita o le va I fafo a Niu Sila, Nanaia Mahuta na ia taua I tala ale RNZ o le vaegaau lea o le a agai mo le faatumauina o le filemu ae e le aofia ai fua i faiga faapolokiki i totonu o le atunuu.

E tulaga ese ata o mea ua faaleagaina ile atunuu mai vesiga ma susunuina ai nisi o pisinisi ile laumua ma le itumalo o Chinatown.

Fai mai Mahuta ole a fesoasoani Niu Sila ia Ausetalia,Fiti ma Papua Niu Kini lea ua iai o latou sui ile atunuu. Fai mai Mahuta o se palota le faatuatuaina o loo fuafua faasaga ile palemia o le atu Solomona e le taumate o le a toe afua ai nisi vevesi faaopoopo mae o le vaegaau mai Niu Sila o le a iai ile atunuu mo leisi 30 aso pe a.

O le a galulue e lagolago pe fesoasoani I leoleo ale atunuu faatasi ai ma vaegaau mai Ausetalia, Papua ma Fiti. Pe a male 15 le vaega mai le Defence Force a Niu Sila ole a muai malaga e faia le asiasiga ole tulaga o loo tulai mai ma le pe a ma le 50 o sui mai le vaega lava o le puipuiga faatasi ai ma leoleo o le a faimalaga atu ile faaiuga ole vaiaso nei.