Ua sauni le aumalaga e silia i le 70 o le a auai e fai ma sui o Samoa i le faaaliga lona 13 o tu ma aganuu a Atumotu o le Pasefika e amata i le masina fou i Hawaii.
O se aumalaga o le a ta’ita’ia e le afioga i le Minisita o Aoga ma Aganuu le Afioga Seuula Ioane, faatasi ai ma nisi o ofisa sinia o lea matagaluega, ma le aufaafiafia a faiaoga.
O le a auai foi ma nisi e iai tomai i le tāina ma le vaneina o laau e gaosi ai meataulima.
O le Sui Palemia le Afioga Tuala Tevaga Iosefo Ponifasio na fai ma sui o le Malo ma le atunuu e momoli upu timai ma ave foi le faamanuia i le aumalaga a Samoa mo lea faaaliga tele o tu ma aganuu a le Pasefika.
O le Aso Sa o lumanai nei o le a tuua ai le atunuu e le aumalaga a le atunuu mo lea faaaliga poo le Pacific Arts Festival.
