Auai Samoa i atunuu ua faaogaina le initaneti mo le faailoa o nofoaga ua agai iai

O Samoa o  se tasi o atunuu i le lalolagi lea ua faaopopo atu i atunuu ua faaogaina auaunaga o le initaneti le Google mo faailoa o nofoaga o loo agai iai poo le Google Street View Service.

O lenei auaunaga e mafai ai e le gata o tagata Samoa lava ae faapea tagata o maimoa mai fafo ona iloa ata talafeagai ma sa’o i nofoaga o loo agai iai mo maimoaga.

Ua leva ona taumafai mai le auai o Samoa i totonu o lenei auaunaga i luga o le initaneti ma talu mai le tausaga e 2007 na amata faavae ai lea taumafaiga, o lenei ua 85 atunuu ua o latou faaaogaina pe auai ai foi i totonu.

O nei ata o auala taitasi (streets) e ao mai i taavale o loo puea ata aupito sili ona lelei ae le gata i lea o soo se vaega o loo faia le auaunaga lenei lea ua silia ma le 1piliona ona tagata e faaogaina.

O se atinae na faaali ai le agaga fiafia o le Ofisa Sili o le Matagaluega o Tagata Tafafao Maimoa Mai Fafo le afioga Faamantuainu Lenata’i Suifua, na ia taua o se tasi lenei o galuega tele a le Pulega o le vaai lea o ata talafeagai o auala taitasi ma tuu i luga o le initaneti ina ia faaaoga e le auaunaga fou.

O se atinae na galulue faatasi ai le Pulega ma le Mālō o Niu Sila e tauala atu i aiaiga o unaiaga o le turisi i Samoa.

O le taimi nei o loo faaauau pea le tuu atu o ata i luga o le initaneti ma na taua e Faamatuainu atonu e oo atu i le faaiuga o Setema ua lata i le 32,287 malia tusa lea ma le 51,960 km o auala e mafai ona vaaia ua tuu i luga o le initaneti.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required