Ua lapatai fanau aoga e aua nei o ma ofu aoga i le mall ona o fusuaga.

O le tala lea i fanau aoga a le aoga maualuga, Christchurch Boy’s High School ona o le tele o le faaoolima e aafia ai alii aoga i le mall a Riccarton Westfield faapea ai ma fale faatali pasi.

Advertisement

Ua sau ai ma le imeli mai faaulu o le Vasega 11 a lea aoga maualuga ina ia aua ne’i toe laeiina ofu aoga i le mall.

Ae mai le pule sili, Nic Hill i tala a le TV1 e le talitonu o loo taulai tasi osofaiga i tama aoga o le laumua, peitai e foliga mai o lea foi e aafia faasoloatoa soo se tamaitiiti aoga.

O le Aso Toonai faatoa uma atu na molia ai le 15 tausaga, ma e le gata o moliaga o le faaoomanua ae faapea ma le gaoi.

I se faamatalaga mai le ofisa o leoleo o loo faatupulaia pea le tele o lipoti faaoo atu taua ai fusuaga a fanau aoga.

E ese mai i matua, aoga faapea fanau, e le o faigofie i pisinisi mea o loo tutupu mai ona o le aafia atu ai ma i latou.