O se taumafaiga a se kulupu Kerisiano o loo finau mo le faia o se teuteuga i le faavae o le Atu Kuki e folafola ai o le Atu Kuki o se atunuu Kerisiano, o loo faapopoleina e i’u ina lē manuia le latou taumafaiga a o iloilo e le Komiti Faapitoa o loo feagai ma lea mataupu vaega faai’u o le lipoti.

Ua faamaonia mai e le ta’ita’ifono o le komiti lea mo le ofisa o le va i fafo, Tingika Elikana e moni ua faai’ui’u le galuega ma e ono faalauiloa le latou lipoti i le isi saofa’iga a le Palemene o sosoo mai i le masina fou.

O loo finau mai le kulupu lea o le Cook Island Christian Movement ua maua faamatalaga e i’u ina lē manuia le mataupu o loo finau ai ma afai o lea e tatau ona iai se isi auala e faailoa atu e le Komiti faapitoa o loo feagai ma le iloiloga, e faatonutonu pe pulea ai ni talitonuga e ulufale i le atunuu.

Fai mai le ta’ita’i Komiti o le a tali atu i le kulupu Kerisiano lea ma le latou mau pe a folasia le i’uga o le lipoti i le Palemene.

Puna o Faamatalaga: https://www.rnz.co.nz/international/pacific-news/557723/movement-fears-watered-down-decision-on-christian-state-push-in-cook-islands