Ua atoa nei le vaiaso o sa’ilia pea e leoleo le tinā na fanauina le pepe tama na maua atu i se faleui o le maota gasegase i Motootua ua fano lona ola.
O le Aso Lulu na te’a nei na logoina ai leoleo e nisi na latou maua le pepe ma faia ai sa’iliga i le fia maua o le tinā.
O le tasi lea o solitulafono e gagalo gagalo faato’ā aliali mai, ma o le tausaga e 2019 e tolu ni gaioiga faapea na tula’i mai ai i totonu o le masina e tasi, i le ma le tausaga e 2020 na tula’i mai ai foi se solitulafono faapea ma sa faia su’esu’ega a leoleo ma molia ai se tinā i le fanau lafoa’i le oloa taua.
Ua ave le faatalauula a leoleo i le tinā e ana le pepe na fanau uma le ola i le Aso Lulu ua mavae, ina ia faailoa atu lona tagata mo su’esu’ega faapea le tuuina atu mo su’esu’ega faafoma’i ina ia puipuia lona soifua mālōlōina.
