O le BA 2 subvariant of Omicron poo son of Omicron e pei ona faaigoa ai foi e nisi, o seisi vaega o le variant o le omicron lea ua pepesi tele nei ile lalolagi ua faailoa mai ise suesuega sa faia e le atunuu o Denmark, e sili atu ona faigofie ona pepesi nai lo le BA1, le omicron ma o le a mafai foi ona aafia ai tagata ua maea ona faia tui puipui.
O lea suesuega ua Iloilo ai aafiaga mai le koronavairusi ile silia ma le 8500 o aiga I Denmark ile va o le masina o Tesema o le tausaga talu ai ma Ianuari o le tausaga nei, ua iloa ai o tagata e aafia ile BA2 e tele atu le avanoa e pesia atu ai isi pe a faatusa ile BA1.
O le suesuega e pei ona lipotia I le 7News e lei matuai iloiloina lautele ae sa faatautaia e le au suesue mai le Iunivesite o Copenhagen , Statistics Denmark male Technical University of Denmark faapea le Statens Serum Institute.
Ua faailoa foi ile lipoti ua iai cases o le ituaiga lea BA2 ua faamauina I Amerika, Peretania, Sweden,Norway ae tetele atu I Denmark.O Ausetalia foi ua o latou taua ise taimi ua sola ua oo mai le subvariant lea I le atunuu.
I le suesuega lava foi lea mai Denmark o loo taua ai e taua tele lava le faia o tui puipui ona e sili atu le puipuia o le tagata ua faia tui puipui nai lo le tagata e lei faia se tui.
