Aso Faapitoa e tetee atu i tagata faifai

O le asō lea o le a laei ai e le toatele o tagata i Niu Sila le ofu lanu piniki , o le faailoga lea o le tetee atu i le tala faifai a tagata faasaga i soo se uso a tagata.

O lenei gaioiga o loo taimua ai le Mental Health Foundation i Niu Sila ma ua faaigoaina o le “Pink Shirt Day, Stop Bullying”.

Taua e le Ofisa Sili o le Mental Health Foundation Shaun Robins, o le faamoemoe o lenei polokalame ina ia lu’itau ai soo se tagata aemaise o fanau laiti e tetee atu i soo se gaioiga le talafegai poo tala faifai a tagata faia faasaga iai latou e le gata i totonu o aoga ae faapea fale faigaluega.

O lenei foi polokalame e talafeagai lelei ma tulaga o loo tulai mai i Samoa e ala lea i le tele o tala taufaaleaga ma tala taufaafefe o loo faia i luga o upega tafailagi e ono aafia ai le saogalemu o nisi.

E iai le manatu i le faalapotopotoga a le MHF ina ia faaauau ai pea lenei polokalame i tausaga taitasi

LAUILOA

Keep uptodate with Radio Samoa activity & promotion

* indicates required