Search
Photo by Parliament of Samoa

Asiasi atu le Aoga Amata Aiga Salevalasi mai Niu Sila i le Maota Faitulafono a Samoa

O se tasi lenei o auaunaga a le Maota o le Palemene a Samoa e tuuina ai avanoa i fanau aoga e asia ai le Maota o loo faia ai tulafono ma faufau ai le sa o le atunuu auā ana atina’e mo le lumanai.

I pepa o faamatalaga o se tasi o aoga mai Niu Sila o i latou o loo i le Aoga Amata a le Aiga Salevalasi mai Glen Eden i Aukilani na maua lo latou avanoa e asiasi ai ma maimoa i le maota fono a le atunuu.

 E 35 le aofai o alo ma fanau Samoa o loo aumau i Aukilani, o loo lesitala i lalo o lenei aoga.

Ae peitai, e na o le toasefulutolu (13) alo & fanau ma Faiaoga e toaono (6) faatasi ai ma nisi o mātua sa faimalaga mai ma auai i lenei asiasiga.

O se avanoa tāua lea i alo ma fanau a le atunuu o loo aumau i atunuu e mamao e asiasi mai ai i le atunuu ma afea ai lenei maota tāua i faigatulafono a Samoa ma lana faigamalo.

Ae le gata i lea e tapue ai sina malamalamaga i le faatinoga ma le faafoeina o auaunaga a le aufaigaluega galulue a le maota fono aemaise o mataifaioi a le Ofisa o le Failautusi o le Fono Aoao Faitulafono. 

Na ta’ua i lipoti sa faaleoina le agaga faafetai o le susuga i le Alii Pule ia Naseri Tolai ma le mamalu o le faigamalaga mo le avanoa tāua ua mafai ai ona faataunuuina le faamoemoe e pei ona talosaga mai ai. 

Ua tele malaga a aoga mai atunuu mamao aemaise o sui mai Malo o loo faipaaga ma Samoa sa mafai ona asia lenei maota ma silasila foi i le faatulagaina o galuega ma auaunaga a i latou o loo tauaveina tofiga i lenei maota.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required