Search
Photo Credit: Parliament of Samoa

Asia e le aumalaga mai le Malo o Saina le Palemene o Samoa

O le amataga o le vaiaso nei na feiloai ai le Afioga i le Fofoga Fetalai, Papalii Li’o Ta’eu Masepa’u ma faatautaia ai se fonotaga ma le Sui Taitaifono o le Komiti a le Va i Fafo a le Malo o Saina ma lana aumalaga.

I faamatalaga mai le itulau a le Palemene o Samoa i upega tafailagi, o lenei feiloaiga sa faatinoina ona o le malaga sa auai ai le Fofoga Fetalai i Saina i le masina ua mavae atu ma faatalanoaina ai nisi o mataupu auā le agai i luma o atinae a le atunuu.

I le feiloaiga a Papalii ma sui o le Malo o Saina i lana malaga i lea atunuu o loo faailoa ai i lipoti sa talanoaina ai le tele o galuega ma poloketi sa faatupeina e le Malo o Saina mo Samoa ma ona tagata, talu ona amatalia ana faiga faapaaga i le 1975.

Sa sainia foi e Samoa le poloketi o le China’s One Belt Road Initiative i le 2018, e faamaonia ai le faaauauina o le fesoasoani mo atinae tetele a Samoa.

Na faafetaia ai e le Afioga i le Fofoga Fetalai le lagolago ma le fesoasoani a le Malo o Saina o loo avea pea ma faamanuiaga mo Samoa.

Sa faia feutanaiga a le Afioga i le Fofoga Fetalai ma le Taitaifono i fuafuaga tuufaatasi e faamalosia ai lenei faiga paaga i le va o atunuu e lua, e ala i ni fesoasoani tau tupe poo fesoasoani tuusa’o mo le Fono Aoao Faitulafono, aemaise o le saga faatupulaia o faiga tau fefaatauaiga mo Samoa ma Saina.

O lenei fonotaga sa auai ai foi le Sui Taitaifono a le komiti o e vaega o tamaoaiga, Afioga Lautafi Fio Selafi Purcell.

Na faafoeina ai e le Fofoga Fetalai se faamoemoe e momoli ai le faafetai i le aumalaga mai Saina ma lona Malo i le lagolagosua i vaega e moomia ai le fesoasoani e le atunuu.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required