Search
SVSG

Asia e foma’i mai Saina le Toomaga mo ē Puapuagatia

Na asia e le aumalaga o le soifua mālōlōina a le Malo o Saina le laumua o le Campus of Hope a le Toomaga mo ē Puapuagatia e ofo fua atu le latou auaunaga mo le siakiina o fanau laiti o loo faamautu i lea nofoaga. 

O le nofoaga a le Toomaga mo ē Puapuagatia i Tuanaimato poo le Campus of Hope o loo nonofo ai fanau ma tina sa aafia i sauaga eseese i totonu o aiga, nuu ma Ekalesia. 

Ta’ua e le Peresetene o le Faalapotopotoga o le Toomaga ia Siliniu Lina Chang e lagona le fiafia ma le faagaeetia ona o le avanoa ua maua e fanau ma tina e faatino ai a latou siaki mo le soifua mālōlōina. 

O lenei aumalaga e to’avalu o foma’i mai Saina ma e iai tomai faapitoa i le neurology, cardiology, orthopaedics. Pathology, otolaryngology, gynaecology ma le intensive care na taunuu i Samoa i le 3 masina talu ai ma o se vaega o le maliega i vaega mo le soifua mālōlōina i le va o Samoa ma Saina. 

Ta’ua e se tasi o foma’i Saina Dr Li i le Samoa Observer e fiafia e tuu atu lana auaunaga i tagata o loo mana’omia aemaise o fanau laiti. 

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required