Ua saunoa Trump ma lipotia i le CNN o ia e na te le’i iloaina se osofa’iga lona lua o loo feta’ua’ina sa faia a Amerika i se tasi o vaa e feta’ua’ina o loo iai fualaau faasāina i le Atu Karipiane i le masina o Setema o le tausaga nei.
Ua faailoa foi e Trump e le’i iloa foi e le failautusi o le puipuiga a le atunuu o Pete Hegseth lea tulaga.
O le matāupu lea e faatatau ia Amerika ma Venezuela ma vaa, e talitonuina o loo feavea’i ai fualaau faasāina i lea itu o le lalolagi.
Ua faailoa e le CNN o le faamatalaga a Trump e na o le osofa’iga muamua sa matamata ai a o faataunuu ona aga’i loa lea i le isi ana fonotaga ae na te lē iloa se isi osofa’iga lona lua.
O le fesiligia o gaioiga a Amerika i le matāupu lea ua afua ai le fesiligia e le autusitala o le alii Peresetene aemaise foi o nisi o Senatoa o le malo tele.
E lē o ta’ua i le lipoti se faamatalaga e faatatau i lea osofa’iga lona lua peita’i ua faailoa e le failautusi o Hegseth, o le faamoemoe ia matua’i sa’ili i latou o loo fiafia e faagaioi ia ituaiga gaioiga e aofia ai fualaau faasāina ma ia faamuta loa ia tulaga.
Puna o Faamatalaga: https://edition.cnn.com/world/live-news/trump-ukraine-russia-venezuela-12-02-2025
