Ua malilie nei Amerika ma Ukraine i aiaiga o se maliega e faatatau i ‘oa faalenatura ma le toe fausia o mea e pei ona faamaonia ane i le CNN e se sui mai Ukraine.
Fai mai le CNN o faamatalaga mai le sui lea ua ta’ua ai ua iai sea maliega ina ua mafai ona aveesea uma mea e le’i mana’omia ma ua faamanino lelei le ta’otoga o lea maliega o le a fesoasoani mo se filemu ma le puipuiga mo Ukraine.
E ui la e le’i faamaonia maia e Amerika pe moni ua malie i lea maliega peitai ua lipotia ua sauni nei le Peresetene o Ukraine, Vlodomir Zelenksy e malaga i Uosigitone i nai aso o lumanai ai.
Ua alia’e mai nei faamatalaga ae le’i leva ona faailoa e le sui lava foi lea mai Ukraine ua sauni lo latou atunuu i se maliega o le a tuuina atu ai ia Amerika le avanoa ia latou minerale faalenatura ae ia auai Amerika i se faaputugatupe mo le toe fausia o Ukraine.
Puna o Faamatalaga: https://edition.cnn.com/2025/02/25/europe/us-ukraine-resources-reconstruction-deal-intl-latam/index.html
