Ua laasia e le ‘au a tama’ita’i mai Amerika Samoa i le taaloga o le soka, le taamilosaga lua o le FIFA World Cup Qualifier mo le ulua’i taimi ina ua faia’ina ai le Atu Kuki i ‘ai e 4-0.
O le taaloga na faia i Rarotonga pei ona lipotia i le RNZ ma na maua o latou ai muamua e tolu i le ‘afa muamua ma le tasi na toe faaopoopo atu i le ‘afa lona lua.
O lona uiga la o lea ua sao atu le latou ‘au i le taamilosaga 2 e faia ia Fepuari o le tausaga fou e iai faatasi ma Niu Sila, Atu Solomona ma Samoa.
O le 2027 le isi Ipu o le Lalolagi o loo sa’ili ai ni o latou avanoa ae muamua le isi taamilosaga lea o le Round 2 qualifying round e faia ia Fepuari o le tausaga fou 2026.
Puna o Faamatalaga: https://www.rnz.co.nz/international/pacific-news/580642/american-samoa-reach-second-round-of-football-world-cup-qualifier
