Ua manino le lē fiafia o le atunuu o Denmark ia Amerika ona o le filifilia o sona sui i Greenland, o se tagata e mana’o ia avea le motu e fai ma vaega o Amerika.
Fai mai le minisita o le va i fafo a Denmark i le CNN, ua matua’i lē fiafia lava i le tofiaina o le sui faapitoa lea aemaise foi o ana faamatalaga sa fai e matua’i o latou lē taliaina.
O le faamatalaga a le minisita, Lokke Rasmussen e matua’i o latou lē taliaina saunoaga faapea ma ua faailoa e le Minisita o le a ia valaau i le amepasa o Amerika i Denmark e tali atu i lea gaioiga ua faia a Trump.
O le Kovana o le setete o Louisiana i Amerika o Jeff Landry lea ua filifilia e Trump e avea ma sui faapitoa o Amerika i Greenland.
I le taimi ua sola sa manino lava le faailoa e Trump o ia e mana’o e ave faamalosi Greenland o se vaega o Amerika.
O le taimi nei o Greenland o se teritori o Denmark ma o Denmark ma Greenland o ally uma poo paaga a le NATO ma o loo tetee malosi i le fuafuaga lea a Amerika.
O loo faatalia la se tulaga o le a iai le feiloa’iga a le Minisita o le Va i Fafo a Denmark ma le amepasa o Amerika i lea atunuu.
Puna o Faamatalaga: https://edition.cnn.com/2025/12/22/europe/denmark-greenland-trump-territorial-integrity-intl
