O loo ua gaioi nei leoleo ma le au su’esu’e i Amerika i le aai o Niu Ioka e sailia le tagata na fanaina ma tagatavaleina le faauluuluga o le kamupani inisiua o le United Healthcare o Brian Thompson, ma e talitonu leoleo o lea osofaiga sa fuafua lelei ma taula’i sa’o lava i lē ua aafia.
O le aso ananafi na tupu ai le faalavelave ina ua fana e le tagata Thompson i fafo ane o le Hilton Hotel i Manhattan. Ua faailoa e le BBC o lipoti lata mai ua tā’ua ai le sola ese o le tagata o loo masalomia na fanaina Thompson ma vaaia i se taimi mulimuli ane i Central Park pei ona faailoa e leoleo.
O loo maua ona ata i le CCTV ae o lē ua maliu o le faauluuluga o se tasi lenei o kamupani tele tau inisiua i Amerika ma sa malaga ane mo se tasi o tautalaga i se semina sa faia i le aai e faatatau i mataupu tau inivesi.
Puna o Faamatalaga: https://www.bbc.com/news/live/crmn2ry1224t
