O le aso ua faatautaia ai le faatinoina o le faia o tui puipui mo taitai o ekalesia Pasefika e pei ona valaaulia ai foi ma le au tusitala e molimauina lea faamoemoe faia I Otara Community vaccination center.
O le 10 I le taeao analeila na amata faagasolo ai le faia o tuipuipui ma ua o gatasi foi ma le fuafuaga e tuuina atu le valaaulia I tagata matutua o Maoli ma le pasefika ma o latou aiga ina ia faia tui puipui o le faamai o le koviti 19.
Ole pepa o faamatalaga mai le Northern Region Health Coordination center ua taua ai o taitai o ekalesia ua taua tele lo latou sao I le sootaga ma komiuniti aemaise lava I le taimi na pepesi tele ai foi faamai.
O le a avea foi lea avanoa e faatalanoa ai ma nisi o popolega o loo iai I le faia o tuipuipui ole faamai.
E silia ma le 100 tagata na fuafua e faia tui mai le taeao analeila.
