E amata atu i le asō e maua ai e i latou uma o loo iai pepa Total Mobility Card ona malaga faatasi ma se isi tagata poo lana support person e aunoa ma se totogi i pasi a le AT Metro bus services.
Ta’ua e le Pule o le Auckland Transport, o Mark Lambert o le faalauiloa ai o le vaega fou lea o le Plus One Companion mo i latou e iai mobility cars o le a maua ai le avanoa mo le isi faitau afe o tagata o loo iai o latou tauaiga o loo mana’omia le fesoasoani e malaga fua ai i auala o femalagaa’iga.
O le isi manatu maualuga o lea auaunaga fou ona o le vaavaai foi a le Auckland Transport i faafitauli e feagai ma i latou ia e mana’omia le fesoasoani i le leai o se tagata latou te o faatasi i luga o pasi peitai o lea auaunaga o le a fesoasoani malolsi lea mo i latou.
O se gaioiga fou e mafai ai ona faalauaitele avanoa e mafai ai e tagata e mana’omia le fesoasoani ona malaga i nisi nofoaga e aunoa ma le popole i le totogi o pasese a tagata latou te malaga faatasi poo le support person.
