Search
Miss Samoa contestants

Amata vaega o le tauvaga mo le sailia o se Tausala a Samoa

Ua mae’a i le po anapo le vaega muamua o le Faaaliga Tausala e saili ai se lalelei o le atunuu e fai ma sui o Samoa i le tauvaga o se Tausala o Atumotu o le Pasefika.

Sa faatumulia le Friendship Park i le mamalu o le atunuu na autovaa atu e maimoaina le tauvaga.

E lua vaega sa faataunuuina anapo, o le vaega o le laei taele faapea ai le puletasi.

Laei Taele

Puletasi

O le vaega lona lua o le tauvaga o le a faataunuuina lea i le po o le Aso Toonai ma o le a faataunuuina ai vaega e pei o le laei faaleaganuu, o le taleni atoa ai ma le taliga fesili.

Ua faailoa o le mae’a ai o le tauvaga i ona vaega e lua anapo o le a faamauina ai se faaiuga a faamasino seia aulia le po o le Aso Toonai ona tuufaatasia lea o togi ma iloa ai le tamaitai o le a manumalo.

O se po fiafia anapo e le gata i le tauvaga ae o faafiafiaga foi sa valau e faafiafia.

O le isi itu na vaaia ai le lolofi atu o le atunuu ona e lei iai se ulufale e maimoa fua le faamoemoe o le Onomea Production ma le Ofisa o Turisi i le tau sailia o se tamaitai lalelei o le atunuu.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required