O le asō e faasolo atu i le faai’uga o lenei masina lea ua amata tāpā ai lipoti mai tagata matamata e vaaia toutouwai poo le bush robin i le Abel Tasman National Park.
O le toutouwai o se tasi lenei o manulele ua oo atu i le 30 tausaga e lē o toe vaaia ma a o asia ai le paka e tagata matamata ua faatalosagaina le tapu’e mai o ata poo nisi lava foi faamaoniga e faamaonia ai.
E mafai ona toe faailoa i luga o le Abel Tasman App poo le aga’i sa’o lava foi i luga o le upega tafa’ilagi a le Janszoon.
O le manulele o le toutouwai ua moomia ai nei le fesoasoani a tagata asiasi e sola mamao mai isumu, ma o lea ua 12 tausaga talu ona faia galuega a le poloketi a le Janszoon e taula’i i meaola nei e sesegi ai le toutouwai, a o taumafaiga ia toe faafoi mai ai le manulele.
O faamaumauga ua tāpā mai tagata matamata i le paka o le a faaaaogā lea i su’esu’ega faaauau mo le toutouwai, ma o tagata ua faatalosagaina mo le lipotia mai o le manulele e lē gata o tagata Niu Sila o loo o atu i le Paka ae faapea turisi mai fafo.
Puna o Faamatalaga: https://www.rnz.co.nz/news/national/538228/abel-tasman-national-park-visitors-asked-to-report-sightings-of-toutouwai-bush-robin
