Court

Amata suesueina tagi o faigapalota laiti i le masina fou

Ua faatulaga nei e le faamasinoga aso o le a valaau ai mo le suesueina tagi o faatosina o palota laiti na faia i le masina o Novema.

O le mataupu mai le itumalo o Falealili No.2 o le a suesueina i le Aso 10 o Ianuari o le tausaga fou ma le mataupu mai le Itumalo Sagaga No.2 o le a suesueina i le Aso 4 o le masina amata lava o le tausaga 2022.

Ua faailoa foi i le fofogaina o nei mataupu le faaulu atu o moliaga o faatosina solitulafono a sui o loo tuuaia faasaga i sui na muamua usu i le tuuina atu o moliaga i le faamasinoga. O le tagi mai  le itumalo Sagaga No.2 o loo molia ai le sui tauva le tōfa Fata Ryan Schuster le sui na manumalo le afioga i le faipule tōfa Maulolo Tavita Amosa. O le tagi mai Falealili No.2 o loo molia ai e sui tauva le tōfa Leleimalefaga Neemia Fonotia le sui na manumalo le afioga i le faipule le tōfa Maiava Fuimaono Asafo Tito.

I nisi tagi e lua o ni lu’i faaletulafono faasaga i le filifilia o nofoa faaopoopo e lua e atoa iai le 6 o tamaitai faipule o le paeaiga lona 17 o le Palemene o le Aso 31 o Ianuari o le a toe valaau faatasi ai. O le lu’i faaletulafono a le afioga Aliimalemanu Alofa Tuuau faasaga i le faaiuga a le Fofoga Fetalai lea ua faataatia ai le faatautoina o ia ma le tasi o sui tamaitai faapea le lu’i a le sui tauva tamaitai le afioga Toomata Norah Leota ma le vaega a le FAST faasaga i le Komesina o Faigapalota.

O loo fesiligia e le mataupu lenei le auala ba faaaoga e le Komesina o Palota e faa vasega ma fetuunai ai le 10 pasene ma maua uma ai e le vaega a le HRPP nofoa e lua e atoa iai nofoa e 6 o tamaitai i le Palemene.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required