O loo ua silasila nei le NSW Health ma siaki faamaumauga o gasegase e faamautinoa e le’i iai nisi o ia gasegase na iai se aafiaga i le mataupu ua lagalagā ai finagalo i le vaiaso nei i Sini ina ua alia’e se video o tausi soifua e to’alua ua faia a la faamatalaga lē manuia e faatatau i tagata Isaraelu.
Saunoa le minisita o le soifua mālōlōina, Ryan Park o le a ia faalauiloa faalaua’itele faai’uga o ia su’esu’ega.
O ia video ua alia’e ua faailoa ai tausi soifua ia e to’alua o fai a la faamatalaga e faatatau i le fasiotia o gasegase Isaraelu ma ua faailoa iai le lē fiafia o le to’atele.
Ua faailoa e le minisita o le a lē toe faafaigalueina le to’alua lea i se falema’i i Niu Sa Uelese ma o le a ia galue malosi e toe faamautūina le faatuatuaga o tagata Isaraelu i le auaunaga a le soifua mālōlōina talu mai lenei mataupu.
Puna o Faamatalaga: https://7news.com.au/sunrise/nsw-health-minister-says-patient-records-are-being-checked-to-ensure-no-adverse-outcomes-for-jewish-patients–c-17705307
