Ua amata nei se suesuega i le faalavelave na maua atu ai se tamaitai leoleo ua maliu i le ofisa o leoleo i le itu i Matu o Adelaide.
O faamatalaga mai leoleo i Ausetalia i Saute ua ta’ua ai o le maliu faafuasei o si tamaitai leoleo lea i le ofisa i le aoauli ananafi e lē o masalomia ae o le a faia pea iai le suesuega.
Saunoa foi le minisita o leoleo e tāua le malamalama i le mafuaaga o le maliu.
Faailoa foi e le pule o le ofisa sa iai foi nisi na maliliu mai le auaunaga i nai masina e lei mamao atu ma o loo tuuina lava le fesoasoani manaomia ma le fesoasoani faaopoopo e tuuina i ē o loo latou galulue faatasi.
