E oo atu i le 1,100 inisinia a le Qantas o le a aga’i ese ma galuega e amata i le asō i Melepone e faailoa ai lo latou tetee lea ua faia mo le 2 vaiaso.
O le laumua o Vitoria ua amata ai lea fuafuaga e aofia ai ma le atunuu atoa aemaise i malaevaalele tetele.
O le Qantas Engineers Alliance ua o latou faailoa e lē taumate o le latou tetee o le a aafia ai nisi o faigamalaga peitai ua iai fetuuna’iga ua mae’a ona faia e le kamupani vaalele e tali ai i lea tulaga.
Sa faailoa e se sooupu a le Qantas i le 9News, e lē o iai se fuafuaga a le kamupani e iai se aafiaga o le tetee o loo faia nei i ana paaga ma ua mae’a foi ona faia fonotaga ma faatalanoaga i le mataupu.
E tolu Iuni o loo aofia i le tetee, o le Australian Manufacturing Workers Union le AMWU, o le Australian Workers Union le AWU, ma le Electrical Trades Union le ETU.
O loo finau mo siitaga i totogi.
Puna o Faamatalaga: https://www.9news.com.au/national/hundreds-of-qantas-engineers-alliance-engineers-to-strike-over-pay-and-conditions/fd362fa8-3bc3-47fe-a16d-3ef0afdd1888
