O le faamasinoga mo le tina lea o loo tuua’ia i le fasiotia o lana fanau teine e toatolu ua amatalia nei i le faamasinoga maualuga i Kalaiesetete.
O Lauren Anne Dickason na feta’ua’ina lona fasiotia o lana fanau e 2 tausaga o le masaga teine ma le isi teineititi 6 tausaga o lana tama teine i lo latou fale i Timaru i le aso 16 o Setema 2021.
Sa auina atu foi muamua i talafou lipoti o lenei mataupu ma o le toalua o le tina lea o se alii foma’i, o ia na maua atu le tulaga ua oo i lona aiga i le aso lea ina ua foi atu i lo latou fale.
Sa taofia foi le tina i le falemai i Kalaiesetete mo se iloiloga i le tulaga faalemafaufau ae o se tasi lenei o faalavelave na faailoa ai le faanoanoa o le toatele mai lea komiuniti ma le faate’ia foi.
O lana loia o Kerryn Beaton KC ua ia faamaonia ane se tulaga o loo faamoemoe lana client e maua ai se puipuiga mai le faamasinoga.
O loo tumau pea poloaiga a le faamasinoga e faasā ai ona faasalalau nisi faamatalaga e faatatau i le mataupu lea ae ua faatulaga e fofogaina i le faamasinoga mo le lua vaiaso e amata i le aso ananafi.
