Ua faatulaga o le vaiaso nei e tauaofia ai le faamasinoga e suesue ai moliaga o Malu o le Malo le Police Tribunal mo le suesueina o moliaga o se tasi o Malu o le Malo o loo umia le tulaga o le taitai leoleo asiasi poo se Police Inspector ma o loo faamalolo lē tumau.
O le susuga Li’o Faataumalama Auava, o loo tuua’ia i lona faia o se suesuega e lei faatagaina e le Komesina o le matagaluega, ma o le suesuega lea i le faalavelave tau taavale i Vaitele uta na maliu ai le alii talavou o Tuuau Fasavalu.
O se alii loia mai Niu Sila le susuga Phillip Morgan o se KC poo se King Counsel o le a tulai e tauave finauga i le tetee a le alii leoleo satini ua molia.
O le a faaulufale muamua le alii loia i galuega tau faamasinoga i Samoa i se sauniga e faia i le Faamasinoga Maualuga a le atunuu, a o lei amatalia taualumaga o le Faamasinoga Faaleoleo o le a tagofia lea mataupu.
