O le vaiaso nei ua amata ai ona faatalanoa e le komiti o le atina’e o nuu ma afio’aga o itumalo faapalota i lalo o aiaiga o le poloketi o le lua miliona tālā a le malo, avanoa mo ta’ita’ifono o Fono Faavae.
Faaalia e le ta’ita’i o le malo i le Palemia, o sui uma sa tauva i le palota tele ma sui faipule na filifilia mo nofoa o itumalo palota e 51 i le Palemene ua aofia uma i le filifiliga o ni ta’ita’ifono.
Ua manino mai i lea suiga e iai Fono Faavae o le a lē toe ta’ita’ifono ai se sui faipule e fua i faai’uga o le a taunuu iai le filifiliga.
O loo iai le fuafuaga e tatau ona oo atu i le Aso Lua, 23 o Tesema a o lumana’i le aso Kilisimasi i le Aso Tofi ua mautū uma ta’ita’ifono o komiti a Fono Faavae ona sauni loa ma tapena e amata galuega o le tausaga fou i le aso 12 o Ianuari ua tatala ai ofisa o Fono Faavae uma mo galuega o le tausaga fou o le a faaaogā ai tupe sa tuua mai a nisi Fono Faavae ma tupe o le tufatufaga fou e ta’i miliona valuselau afe tālā mo itumalo faapalota uma e 51.
