Search
Photo: RNZ

Amanaia tamalii na auauna i le vaitau o le Taua Lona Lua (WW2) a le Lalolagi

O le vaiaso nei na molimauina ai e uo ma aiga le amanaiaina o le sao o nisi o tamālii o le Atu Kuki na ofo o latou soifua e auauna ma tautua ai mo Peretania a o iai i le vaitau o le malosi o le fetaua’iga o malo tetele i le Taua Lona Lua o le Lalolagi.

Ta’ua o “coastwatchers”, poo ni tagata e vaavaai ma lipotia ni vaalele ma nisi o ‘autau e agai atu i le Pasefika.

O se galuega faigata ma e ono lamatia ai le ola, peitai sa faatino e le toatele o alii ma taulelea o le motu o le Atu Kuki a o iai i lalo o le vaavaaiga a Niu Sila.

Mai i lipoti a le leitio faavaomalo a Niu Sila, o nei alii sa fai ma mata ma taliga o atunuu tetele e fā na auaufaatasi, o Peretania Tele (UK), o Lusia e pei ona avea ma Soviet Union ma le Iunaite Setete poo Amerika (United States) ma le malo o Saina.

I le tuanai ai o le tele o tausaga, o lea faato’ā aloaia ona amanaia o tamā, taulelea faapea nisi o talavou sa tofia e tauaveina lea galuega. 

Ma i le faatino ai o lea galuega fīta, ua faamauina na o alii mai Niu Sila na amanaia peitai ua suia lea vaega o le talafaasolopito ina ua aloaia ona amanaia e le tamaitai Kovana Sili o Niu Sila, Dame Cindy Kiro ia alii ma tuuina atu ai i aiga o le to’a 25 na faatinoina lea tautua.

I se sauniga faapitoa i Ueligitone na saunoa ai le tamaitai Kovana ma ia faafetaia ai nei alii i lo latou sao i le malupuipuia o le Vasa Pasefika.

Ae o se fiafiaga tele foi lea mo le alii ia William Kiri Cuthers, o lē na tu’itu’i pea i faitotoa a le NZ Defence Force ma le Palemia mo lea vaega tāua, ia ‘aua ne’i galo atu le tautua matavela a o latou tuaa na faatino mo le Pasefika aemaise mo Niu Sila.

Na molimauina le maligi o loimata o aiga ina ua valaau taitoatasi igoa o a latou tuaa.

O le agaga faagaeetia ma le faafetai ona o le amanaia o nai o latou tuaa na tautiga mo se saolotoga o le toatele.

Puna o Faamatalaga: https://www.rnz.co.nz/international/pacific-news/521278/pacific-coastwatchers-finally-recognised-for-world-war-ii-heroism?fbclid=IwZXh0bgNhZW0CMTEAAR1EziexHGiS3AYlIwbWrnKMo6L1UTVX77WxstZB-Q1szo4f1N1bdfAYiO4_aem_XTu0kgm7Sr8Kesmt_AOglQ

Tala sili ona faitaulia

SAMOA UPDATE

PODCASTS

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required