Ua taulimaina e le Ofisa o Tiute a Niu Sila nei se tusi aloa’ia, o le amana’ia ma le faafetai a le malo a Iapani i le latou galuega fītā, a o le fesoasoani tau faamaumauga poo le vaega ua ta’ua o le intelligence support, na mafai ai e lea malo tele ona maua pea le tele o matāupu tau fuālaau faasāina i Iapani i lenei tausaga.
O lenei tusi taualoa, na taulimaina i le aai o Tokyo, e le sui o tiute Customs Liaison Officer, Paul Emley i se sauniga faapitoa, ma na tauaaoina atu e le Faatonu Sili, e tusa ai foi ma le faamanatuina o le Customs Anniversary Day.
Na faailo e sui o tiute i lea faatasiga le tāua tele o faamaumauga faapitoa nei, ma le galulue faipaaga ai o atunuu faavaomalo i le taumafai lea e taofia gaioiga solitulafono auaufaatasi a kulupu ma le to’atele e pei ona maitauina le siitia pea i tulaga faavaomalo.
Puna o Faamatalaga: https://www.facebook.com/share/p/1HL8eyAnAX/
