Amanaia e le Iunivesite o Harvard i Amerika Jacinda Ardern

ua faamanuiaina le tamaitai palemia, Jacinda Ardern i se faailoga
tauoloa e oo atu i le 210 afe tala NZ, mai le iunivesiete o Harvard i
Amerika.

O lenei faailoga o le a aloaia ma tuuina atu i le palemia i se sauniga
faapitoa o le a faia online i le aso muamua o le masina fou.

O se faailoga tupe e amanaia ai e le iunivesite se tagata e toatasi poo
se faalapotpotoga ua tele lona sao i le faaleleia o le soifua o tagata
Amerika ma le lalolagi atoa.

Saunoaga a le sooupu a le tamaitai palemia, ua o se masani a Jacinda le
teena o le talia o faailoga tauoloa, peitai o le faailoga faapitoa ua
faailoa mai, o le a faaliliu i se sikolasipi ae tuuina atu i se tagata
NZ e alu ai i le iunivesita o Harvard e faaaoga.

O nisi na faamanuiaina i lenei faailoga tauoloa e aofia ai Nelson
Mandela, ma le toatele o tagata iloga sa iloga lo latou sao ia Amerika
aemaise lava i le finauga o avanoa tutusa.

I se pepa o faamatalaga ua faailoa ai e lea iunivesite lo latou viia o
le taitaiga a le tamaitai palemia e le gata o le taitaiga o NZ i taimi
faigata ole Koviti, osofaiga na maliliu ai le toatele o tagata Moselemi
i Kalaiesetete i le tausaga talu ai, ae faapea ai aafiaga o le
siosiomaga ma le osone mai kasa oona.

LAUILOA

Keep uptodate with Radio Samoa activity & promotion

* indicates required