second-hand smoke

Aloaia le tulafono e faasa ai ona ulaula i totonu o taavale ao iai fanau

E le o toe mamao aloaia le tulafono e faasa ai ona toe taumafa se tapaa i totonu o taavale o loo iai fanau

O le Smoke-free Environments Amendment Act na pasia ia Me o le tausaga talu ai, ma o le Aso Sa a loma nei, 28 o Novema o le a aloaia ai lea teuteuga

O le a faasa ai ona toe ulaula e oo lava i le vape i totonu o taavale afi o loo iai fanau i lalo o le 18 tausaga le matutua

O se teuteuga na sau i le maea o suesuega a le Youth Insights Survey i le 2018 na maua ai e tusa ma le 15% o fanau 14 – 15 tausaga o loo manavaina ausa o tapaa i taimi ao iai i totonu o taavale

O fanau Maori ma Pasefika lea na ripotia e 26%, ma o i latou foi ia o loo maualuga i le faatulagana o fanau aafia e pei ona suesueina

O le tulafono o le a faamamaluina, e le gata e aofia ai le taavale o loo alu poo la foi e tu

O soo se tasi e solia lenei tulafono o le a sala tupe i le $50, poo le faasalaga mai le faamasinoga e oo atu i le $100

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required