Women’s Rugby World cup

Aloaia le tolopo o le ipu o le lalolagi ile lakapi a tamaitai

O lea ua aloaia mai le tolopoina o le ipu o le lalolagi i le lakapi a tamaitai, toe tolopo atu ile tausaga fou.

Fai mai lipoti o le faamai lava ua mafua ai ma ua faailoa ai ma le vaegatupe e tusa ma le 3.6 miliona ausetalia e fesoasoani e faatupe ai iuni sa aafia i le toe tolopoina o lea faamoemoe ma o le a fesoasoani ai i au ia maua ni taaloga faavaomalo ia lava tapena ai mo le 2022.

Fai mai le taitaifono o le World Rugby Bill Beaumont e lagona le alofa i au ma i latou uma e fiafia i le taaloga sa fuafua ma sauni mo le ipu o le lalolagi i le tausaga nei, peitai o le faaiuga ua faia lava mo lo latou lava lelei. Fai mai a ia o le toe tolopo atu i le tausaga fou ole a faamautu ai foi se fuafuaga lelei e penefiti ai mai le faia o tuipuipui ma faamama avega ai i tulaga o femalagaaiga.

O le vaiaso na tea nei pei ona faailoa i lipoti a le tv1 na saunoa ai le sui o le fono faatonu a le lakapi niusila, o se tasi foi tagata taalo iloga o le Black Ferns, Farah Palmer o le a matua faanoanoa lava pe a toe tolopo le taamilosaga, ma e ui lava e malamalamagofie iai tagata , ae o se tulaga faanoanoa tele.

O Niu Sila lava e talimalo ai i lea faamoemoe i le tausaga fou 2022.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required