Aloaia i le aso suiga faaopoopo o pre-departure tests

Ua aloaia i le aso suiga o siaki o le Koviti ae e le i tuua atunuu mamao faimalaga mai i Niu Sila

O le masina talu ai na faailoa mai ai e le malo le tuu mai i lalo i le 48 itula mai le 72 itula e tatau ona faia ai siaki o le Koviti lea e tatau ona negative ae e le i faimalaga mai

Peitai o le aso ananafi ua faailoa mai ai e le matagaluega a le soifua maloloina o lea ua iai ma le suiga faaopoopo mo se taimi le tumau e le o faamalosia ai lea suiga mo pasese faimalaga mai atunuu e 105

O atunuu nei e faigata ona faia siaki ua taua o PCR test ma o le a mafai ona talia siaki e negative faaiuga mai antigen tests faia i totonu o le 24 itula ae e le’i faimalaga

E tatau ona faamaonia e se tasi e faigaluega i le soifua maloloina, faletalavai ma tauaao mai faamaoniga tusitusia

O le lisi o atunuu e 105 o loo tuuavanoa iai e le tau faia PCR test o loo maua uma i luga o le upega tafaiilagi o le Koviti

Ae mo faigamalaga mai le tele o atumotu Pasefika aofia ai ma Samoa e le o iai se suiga i le faatagana na muai faailoa mai, lea e le o moomia ai le tau faia o pre-departure tests

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required