Ua iai foi se isi aafiaga o le taumafa tapaa ua faamautu mai nei i se tasi suesuega ua faailoa mai i le asō.

Ua ta’ua i le lipoti mai le 9News o le taumafa tapaa e ono siitia ai se isi ituaiga lapoa o le tino e iai sona sootaga i gasegase ogaoga.

Fai mai o le tau amata ona e taumafa tapaa pe o le umi foi ona taumafa tapaa e iai lona sootaga i le ituaiga faaletonu lea e pei ona lomia i nisi o tusitusiga.

O le faaletonu o le visceral fat e lē vaaia ae e siomia ai ou totoga tulou ma afai ae faateteleina e mafai ona aafia ai i gasegase ogaoga.

E iai lona sootaga i le gasegase o le fatu, Type 2 Diabetes poo le suka atoa ai ma isi gasegase.

O le maua mai o le iuga o lea suesuega ua manaomia ai le faaopopo pea o taumafaiga e taofia ai ma faaitiitia le taumafa tapaa.