Search
Search
Photo Credit: 1News

Aisea e tāua ai le auai o Niu Sila i mataupu a le NATO?

Ua faamatala i nisi o tusitusiga le mafuaaga e tāua ai le auai o Niu Sila i mataupu a le NATO poo le North Atlantic Treaty Organisation.

O le minisita o le va i fafo a Niu Sila, Winston Peters o loo iai nei i Brussels mo le fonotaga a le NATO o loo faia ai lea foi o loo faatāua ma faailoga ai le atoa o le 75 tausaga talu ona faavaeina lea faalapotopotoga i le mae’a o le Taua Lona Lua a le Lalolagi.

O le NATO latou te faamuamua le saogalemu o le faaitu lea i Matu o Europa ma le Atlantic ma ua latou maitauina foi e pei ona faailoa i lipoti a le televise tasi, taumafaiga a Saina ma ana faiga faavae aemaise le faaauau pea ona galulue faatasi ma Lusia faapea foi ma le faatupulaia o ana gaioiga i le Indo Pacific.

O i tonu la lea e agai atu ai Niu Sila.

Talu mai le uluai valaauliaina mai o le Indo Pacific i le fonotaga a le NATO i le 2022 ua faaauau pea ona auai atunuu tetele e fā o le Pasefika Indo Pacific Four e aofia ai Ausetalia, Iapani, Korea ma Niu Sila i polokalame e faamalosia ai sootaga aemaise i nisi o faiga faavae.

O le vaiaso nei la i le fonotaga a le NATO o loo faagasolo o le a aofia ai puipuiga i luga o upega tafailagi, cyber defence e tāua tele.

E lē gata i lea ua ta’ua o fonotaga o le a faia foi a Niu Sila ma isi atunuu o le a finauina ai nisi o vaega tāua a Niu Sila ma maua se nofoa pito i luma i galuega faatino a se tasi lenei o fesootaiga aupito tele i tulaga tau militeli i le lalolagi atoa.

Puna o Faamatalaga: https://www.1news.co.nz/2024/04/03/mei-heron-why-new-zealands-presence-at-nato-matters/

Tala sili ona faitaulia

SAMOA UPDATE

PODCAST

Listen on

Tala mai samoa

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required