playgrounds areas
Photo: thespinoff.co.nz

Aisea e sili atu ai isi nofoaga taalo mo tamaiti nai lo isi?

O le fesili ua agiga I se tasi o lipoti I le herald I le aso pe aisea e sili atu ai ona mama ma matagofie nisi o nofoaga taalo mo le fanau poo playgrounds nai lo isi?. I lea lipoti o loo finauina e se tasi o tina mai le pitonuu o Clendon lea e masani ona tau agai ese mai ma lona pitonuu ina ia sailia se nofoaga faapea e faatafafao ai si ana fanau.

Fai mai a ia o loo iai playgrounds I Clendon peitai e le tutusa ma isi nofoaga e masani ona fia agai iai ona o nofoaga ia I Clendon e matele ina iai ma tioata taei ma le saogalemu foi suigi mo le fanau. E iai foi polokalame o loo faatamoe mo le fanau I Clendon ae foliga e le o tutusa foi ma isi pitonuu. O se tasi o tulaga e pei ona taua I le lipoti e tulai mai ai lea eseesega ona o le tulaga o loo faatupeina ai ia auaunaga.

Taua ile lipoti o le taimi nei o local boards o loo vaavaaia auaunaga faapea I Henderson, Massey, Waitemata ma Howick o loo maua vaegatupe mai le ASB Fund e amata mai I le tai 26 miliona ile 27.5 miliona peitai o local boards I Aukilani I saute e pei o Manurewa, Magele, Otahuhu, Otara ma Papatoetoe e maua le 14 miliona agai I le 17miliona mo ia fuafuaga.

O le mataupu ua laga ai ma se finagalo o se tasi o councillor mo Aukilani, Angela Dalton e faapea e le o talafeagai le vaegatupe o loo faatupe ai lona faaitu o Manurewa, mae ua faaalia ai foi se finagalo o leisi councillor I Aukilani I Saute Faanana Efeso Collins e faapea o le mataupu lenei ua faaumiumi ma e manaomia foi le loto toa ile council ile feagai ai ma mataupu faapea e faatatau I mea patino e matuai manaomia e le council mo le saosaoa o le tulaga ua iai le faatupulaia o ia faaitu.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required