E i le va o le 60 afe ma le 80 afe aiga, tusa lea pe ā ma le 400 afe tagata ua leiloga ni nofoaga e aumau ai talu ona aga’i ane le Rapid Support Forces (RSF) e faatonutonu le Zamzam Camp i Sudan lea o loo feta’ua’ina sa tupu ai se faalavelave e to’atele ua maliliu ma manunu’a ai.
Faamatalaga mai Malo Aufaatasi ua faailoa ai i le lipoti e silia ma le 300 tagata lautele ua fasiotia i vesiga ia i le faai’uga o le vaiaso talu ai i le itu i Matu o Darfur.
Ta’ua e le CNN ua leva ona fautua ane kulupu tau aiātatau e ono tupu mai se tulaga faapea pe afai e manumālō le vaega lea o le RSF peitai ua teena e le RSF ia faamatalaga.
Fai mai a latou o le togalauapiga lea poo le camp o loo faaaogā, o se nofoaga autū mo vaega a le ami.
Fai mai o le taua i totonu o Sudan na amata ia Aperila 2023 e mafua mai lava i le sa’ilia o le malosi i le va o le ami a le atunuu ma le vaega lea o le RSF.
O le vevesi lea ua afua ai le lē mautū o nofoaga e aumau ai tagata ma ua alia’e ai foi ma tulaga mativa i le tele o vaega o le atunuu.
Puna o Faamatalaga: https://edition.cnn.com/2025/04/14/africa/400-000-displaced-darfur-camp-sudan-intl/index.html
