Manu Samoa
Photo: Manu Samoa fb

Agai Ueligitone i le Level 2 a’o loma le taaloga a le Manu Samoa

O le aoauli nei na faailoa mai ai e le Minisita o le Soifua Maloloina a Niu Sila Chris Hipkins ma le faatonu ia Ashley Bloomfield o le a agai Ueligitone i le vaega 2 (Level 2) ae o Niu Sila atoa o le a me’i i le vaega 1 (Level 1) ona ua faamaonia se tagata na malaga mai i Sini ma afea Ueligitone i le vaiaso na tea nei le maua ai i auga o le Koviti 19.

O le taimi nei o loo faia fonotaga e saili ai se faaiuga o le a oo iai le taaloga a le Manu Samoa ma le Maori All Blacks ae le gata i lea o nisi fuafuaga a Ueligitone atoa.

O lenei taaloga lea na fuafua e faia i le malae taalo Sky Stadium i Ueligitone i le Aso Toonai 26 o Iuni ma o aiaiga o le Level 2 e lē mafai lea ona fai ni faatasiga e ova atu ma le to’a 100 tagata ae le gata i lea o le faamalosia o le faia o tali fofoga (face mask) i luga o soo se auala o femalagaiga faalauaitele.

E amata atu i le afiafi nei i le itula e 6 ona faamamalu vaega uma o le Level 2 o Ueligitone ae mo Niu Sila atoa i le Level 1 seia oo i le itula 11:59pm i le afiafi o le Aso Sa 27 o Iuni 2021.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required