O tagata ua fuafua e faimalaga mo tafaoga ma faiga malologa i le faaiuga o le tausaga ma le Kirisimasi, o le a faaauau pea ona feagai ma pasese taugata ona o le telē o le manaoga mo faigamalaga ua atili agai ai i luga le tau o pasese. 

Fai mai le Ofisa Sili o le Flight Centre, o Graham Turner i se faatalanoaga ma le 7 News.

Fai mai Turner o le tele o isi kamupani vaalele sa fuafua e tapunia auaunaga mo le lua tausaga peitai ona o le telē o le manaoga mo faigamalaga ua tele ina toe faafaigaluega ai ma isi vaalele faapea foi ma le aufaigaluega. 

O le tau o loo iai nei mo se faataitaiga le malaga mai Sini i Lonetona sa i le $2,320 i le 2019 ae o le taimi nei ua $3,260.