Ua aga’i leoleo i le Supreme Court e poloka ai nisi solo tetee se lua na fuafua e i latou e lagolagoina Palesitina ma ua fuafua e faia i Sini, fai mai a latou e faamanatu ai le tausaga o le taua i Gaza.
O leoleo i NSW ua gaioi e faatino lea tulaga ina ua alia’e e ono iai ma nisi soligatulafono e aliali ai e pei o le vaaia o fu’a a le faalapototopoga a le Hezbollah i se faatasiga na faia i Sini ma Melepone i le Aso Sa na te’a nei.
Fai mai le 9News ua mae’a ona fautuaina e i latou o loo tuufaatasia lea tetee, tagata ina ia tuu i le fale a latou fu’a.
O le asō ua faailoa ai e leoleo latou te teena le faia o ia savali ma ua talosaga ai loa i le faamasinoga e faasā ai ia fuafuaga.
O le Palestine Action Group o loo tuufaatasia ia savali ma faatasiga i vaiaso ta’itasi lea ua toeitiiti nei atoa le tausaga o faia pea.
Puna o Faamatalaga: https://www.9news.com.au/national/pro-palestine-protests-sydney-nsw-police-force-takes-court-action-to-block-october-7-anniversary-rallies/cf794e2a-7db9-4078-9dbc-76fb8e0e59a3