Agai le Soifua Maloloina i fale o aiga e faia ai tui puipui

O le asō , 11 o Aukuso lea na amtalia ai le polokalame a le Matagaluega a le Soifua Maloloina le Door to Door Vaccination Campaign e agai ai i fale o aiga mo Upolu ma Savaii e faataunuuina o latou tui puipui o le Koviti.

Na fa’ailoa manino e le Fa’atonu Sili o le Soifua Mālōlōina Leausa Samau Dr. Take Naseri, o le lu’itau tele o lo’o feagai ma le aufaigaluega i le taimi nei, o le i ai o nisi o le atunu’u o lo’o olegia ma mumusu e faia o latou tui puipui o le Koviti19.

O le tasi lea o mafua’aga o le tuai ona mae’a le galuega o lo’o feagai nei ma le Mālo, e ala i tuiga, ona ua fa’amauina a aga’i atu le aufaigaluega e faia tui puipuia i maota ma laoa, ae fai ane nisi ua mae’a ona faia tui puipui, ae a tapā loa e le Ofisa le pepa fa’amaonia, ina fa’atoā ta’utino lea e mumusu e fai o latou tui.

O lea la ua agai ai i le polokalame fou lenei mo le puipuia o tagata lautele ma Samoa atoa.

O le fautuaga a le Pulega ina ia tuu se ie poo se fu’a lanu mumu i luma o laoa ma maota ina ia iloa e le Matagaluega e le’i faia tui puipui o le Koviti e faafaigofie ai foi le galuega.

O le taimi nei ua 60.4% o i latou ua maea le tui muamua e tusa lea ma le to’a 73,564 ae mo i latou ua maea uma tui e lua e 24.3 % e tusa lea ma le to’a 29,672.

O le faamoemoe a le malo ma le Matagaluega ina ia oo i le 100% o le atunuu e tatau ona faia tui puipui (eligible population) ina ia mautinoa le saogalemu o Samoa mai le sosolo faaafi o le Koviti i le lalolagi.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required