Agai i Peretania le Lord of the Rings

Ua aveese le lagolago a le malo o Niu Sila I le ata faasolo ile televise , ole series e fiafia ai le toatele, Lord of Rings ina ua maea faalauiloa o le a see atu le pueina o isi seasons o le ata I Peretania. Taua I le televise niusila ua fautuaina e le Amazon Studios o galuega o loo totoe o le season 1 o le a faaauau pea I Niu Sila seia oo ia Iuni ole tausaga fou pei ona saunoa ai le minisita o atinae tau tupe, Stuart Nash I lea lipoti.

Fai mai a ia o lea ua faailoa atu o le season 2 o le ata o le a pueina I Peretania ona o nisi o fuafuaga a le kamupani ia faalautele foi ma faamautu nisi o ana taumafaiga I lea atunuu. Ua faailoa la e le minisita o le a faamatuu ese le fesoasoani a le malo mai lea taumafaiga e pei ona agavaa ai I latou I lalo o le tulafono I tausaga ua tea .

O loo fuafua o le a amata faalauiloa le season 1 I le masina o Setema o le tausaga fou mae 650 miliona na faaalu a le Amazon mo le faia o le season 1 e oo atu I le 1200 tagata na aofia ai I le faiga o le ata.Sa momoli foi le faafetai a sui o le Amazon I le malo ma tagata niusila mo le talimalo ma le lagolagosua I le faatinoina o la latou galuega ma faaalia ai o le tele foi o isi a latou productions ua maea pueina I Peretania.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required