Ua aga atu nei se vaega suesue mo le ogatotonu o Otago e fesoasoani I se kulupu o tagata o loo poloka ile aisa I totonu o le latou taavale ua le mafai ona sao ese mai ma lea nofoaga.
E toafa alii ma tamaitai e toalua o loo aofia ai ile Old Man Range I Queenstown pei ona faamaonia mai e le Satini o Simon Matheson.
Foliga mai o le taavale na faaletonu ao aga atu mai Gorge Creek mo Duffers Saddle ae ole faaletonu o le tau ma le aisa toulu ua faafaigata ai galuega fesoasoani. Ua fautuaina e leoleo tagata ina ia siaki le tau ma fai fuafua iai a latou fuafuaga.
Ile 2016 na faasalalau mai ai foi I lipoti nisi taavale na poloka ai foi I le nofoaga lea ona o le malosi o le aisa.
