Ua faailoa le lē fiafia o le Peresetene o Aferika i Saute o Cyril Ramaphosa i le folafolaga a Donald Trump e faapea o le a le valaauliaina Aferika i saute i le fonotaga a le G20 ile tausaga fou i Florida.
I sana tusitusiga i luga o upega tafāilagi- le social media na faailoa ai e Trump ua mumusu Aferika i Saute e faafoi ane le tofi Peresetene o le G20 i se sui o le ofisa o Amerika sa faia se latou fonotaga i le vaiaso talu ai i Johannesburg.
Ua faailoa ai loa e Trump i lalo,o lana faatonuga o le a lē maua ai se valaaulia a Aferika i Saute i le fonotaga a le G20 i le 2026 lea e talimalo ai Florida.
O le masani e le tau manaomia se valaaulia e auai ai se atunuu o sui o le G20 ae mafai lava ona ono faasā ona o aiaiga tau visa.
Fai mai le peresetene o Aferika i Saute afai ae teena o latou visa ona faaauau pea lea ma silasila i tua atu o le G20 lea i Amerika ma o le a faaauau pea foi ona o latou galulue ma isi atunuu o le G20 e faaauau mataupu sa faatalanoaina i fonotaga i Johannesburg.
E lei auai ai Trump i le fonotaga lea ona o lana lava faaiuga. Fai mai Ramaphosa e faanoanoa lava ona e fiu e tau faatulaga ma faalelei sootaga ma Amerika peitai e faaauau pea faiga a Trump faasaga ia Aferika e fua i luga o faamatalaga le sao ma le lelei faatatau i lo latou atunuu.
Puna o Faamatalaga: https://www.bbc.com/news/articles/cq8dq47j5y8o
