O loo afea lo tatou atunuu e le vaatau poo le Manuao o le fuāvaatau o le malo o Ausetalia le HMAS Stuart, ma ua maua ai ma le avanoa e faia ai ni aoaoga a fitafita o lea manuao, ma se vaega o le auvaa o le Nafanua III, faapea le auaunaga a le matagaluega o leoleo.
O le iai i le atunuu o le vaatau o le fia utuina o le suauu ma penisini, ma faia ai ma nisi o galuega fesoasoani aemaise o le faataga o le lautele o le atunuu e maimoa i vaega eseese o le manuao.
O le afiafi o le Aso Lulu na faia ai se faaafe a le kapeteni ma le auvaa mo taitai o le tatou Malo faapea ma nisi o malo faaaloalogia, a o lei toe tuua le uafu tele i Apia i le Aso Faraile o le vaiaso nei.
