Search
Search

Afea Samoa e le auaunaga faasoifua maloloina a le fitafita o le Malo o Amerika

E to’a limasefulu le aumalaga o fitafita mai le Malo o le Iunaite Setete o Amerika ua aofia ai foma’i ma tausi soifua ua amata galulue i lo tatou atunuu i lenei vaiaso fou, mo le ofoina atu o siaki faafomai mo gasegase o aafia ai tagata o le atunuu.

O le aumalaga atoa o sui o le vaega o fitafita faaleoleo poo le Army Reserve ua iai o latou tomai aoaoina i le galuega faafomai.

O gasegase e aafia ai le itupa o tina ma tamaitai, ma’i o oloa poo nifo, faapea isi gasegase masani o le tino o le a siakiina ma togafiti e lea vaega o fomai o le fitafita a le iunaite setete o Amerika, ma o le a galulue i le maota gasegase o Tupua Tamasese Meaole i Motootua, falemai faaitumalo i Leulumoega, falemai faaitumalo i Poutasi Falealili, ma Lufilufi i le motu o Upolu.

O Savaii o le a maua lea fesoasoani i le maota gasegase o Malietoa Tanumafili II i Tuasivi, le falemai faaitumalo i Safotu, ma le falemai faaitumalo i Sataua.

O le Gafua 15 o Aperila e oo i le Aso Lulu 24 o le masina nei lava e galulue ai ia fomai ma tausi soifua ilo tatou atunuu, ma ua faaigoaina le latou polokalame o le Soifua Manuia Clinic.

O se tasi o vaega o lea fesoasoani o se aoaoga mo sui o le pulega o le tineimu ma galuega fesoasoani i taimi o faalavelave faafuasei faapea le matagaluega o le soifua maloloina, o le a faatautaia e nisi o fomai o lea aumalaga.

E autu lea aoaoga i galuega faafomai mo le togafitia o tagata se toatele e aafia ini faalavelave matuia.

Tala sili ona faitaulia

Tala mai samoa

TALA FOU MAI SAMOA

TALA MAI NIU SILA

SAMOA UPDATE

PODCASTS

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required