O le vaitau masani lenei o faigāmeaalofa o le Kerisimasi e laualuga ai le faatāua o fanau i tu ma aga a le lalolagi Kerisiano o loo latou faamanatu pea i tausaga uma le afio mai o le pepe o le kerisimasi.
I Samoa o fanau ua sauāina ma o loo vaaia i le nofoaga o le Campus of Hope i Tuanaimato i le auaunaga a le Toomaga mo ē Puapuagatia sa afea i lenei vaiaso i faigāmeaalofa a leoleo o le malo o Ausetalia, le Australia Federal Police.
O pusa o lavalava ma toniga mo taaloga sa latou foa’i, ma ua fetaui lelei ma lenei taimi ua faaosofia lagona o le fiafia o fanau ua oo mai le Kerisimasi.
Sa afea foi i se isi faigāmeaalofa ia fanau sauāina e le pulega ma le aufaigaluega a le kamupani telefoni o le Digicel o se tupe e lua afe tālā ma pusa o meataalo eseese mo le fanau.
Ua lē nofonofo lelei ai le Pelesetene o le Toomaga o loo iai le vaaiga o le nofoaga o le Campus of Hope, i le momoli o le faafetai i leoleo o le malo o Ausetalia ma le pulega o le Digicel, i le agalelei i fanau sauāina o loo i le vaaiga a lea faalapotopotoga tuma’oti.
