Ua molimauina pea e le o utuva le malaga mai o o tatou tagata mai atunuu i fafo e fai malologa mai i le atunuu ma asiasi i nuu ma aiga ona o faatasiga poo reunion, aemaise o tafaoga ma malologa, ma malaga o autaaalo e pei o le taamilosaga netipolo lea faatoa maea atu ua sola ai le au netipolo mai Aukilani Niu Sila ma le Ipu o le siamupini.
O nisi o aumalaga sa latou asiasi atu i le maota fono i Tiafau i le fia molimauina o le anofale o lea maota tāua o le atunuu o loo lipoi ai tonu fai o le Malo.
Ua faailoa i upega tafailagi a le ofisa o le fono aoao, le afea o le maota fono o le Palemene i le Aso Faraile ua mavae e le aumalaga o faiaoga o le aoga o le Farm Cove mai Niu Sila, ma o se aumalaga sa latou asia nisi o aoga i le atunuu a o lei asia le maota fono.
O le aoga maualuga foi a Manurewa mai Aukilani sa latou asia le maota fono i Tiafau, faapea le mafutaga a le aiga Sa Manaia mai Vailoa Palauli.
O ni avanoa e lē aumaua e nai o tatou tagata malaga mai fafo, ae a asiasi mai loa ma maua le avanoa ona faapena lea ona faataunuu ia asiasiga e tāua tele mo le malamalama o tupulaga lalovaoa o le atunuu sa soifua ma ola ane i fafo.
