Afai e leai se faamaoniga o le nofoaga e faanofoesea ai, e le mafai ona faimalaga mai I NZ

O le aso ua aloaia ai le tatau ia I latou e faimalaga mai I NZ le iai o se pepa faamaonia o le nofoaga e sau faanofoesea ai, faatoa oso lea I luga o le vaalele

Afai ae leai, o le a le mafai ona faimalaga mai, poo le “no voucher – no fly”

I ripoti o lea ua matuai faatumulia uma nofoaga o loo faanofoesea ai tagata mai fafo I le taimi nei mo le isi lua vaiaso, faapea ai ma le vaiaso mulimuli o Novema agai I le ogatotonu o Tesema

Ua lapataia ai ma I latou nei mai fafo, o lea ua I le vaitaimi pisi o le faamanatuina o le Kerisimasi ma e tatau lava ona utagia ma vave ona faagaioi le faamautuina o nofoaga e omai faanofoesea ai.

Saunoa ai le o loo faaulu iai le vaaiga o faletalimalo ma le tele o fale o loo faaaogaina mo le faanofoesea o tagata faimalaga mai fafo, Daryn Webb, afai ae oo ane I le aso e lele mai ai e le I iai se faamaoniga o le nofoaga e sau faanofoesea ai, faamolemole aua le maimaua le taimi e agai ai I le malae-vaalele. O le sau ai o lea suiga I le aso, o lona uiga e le gata o le tau su’e o le vaalele e agai mai I NZ, faia le siaki o le Koviti lea e tatau ona negative atoa ai ma le faamaoniga ua iai le potu e sau nofo ai.

Keep uptodate with Radio Samoa activity & promotion

* indicates required