Ua aapa mai le malo e fesoasoani i le utiuti o laupapa ua ta’ua o plasterboards. 

O lea ua faasolo fonotaga a le minisita ia Megan Woods se’i su’esu’e ai poo le ā se fofo mo le ‘au kamuta a o tele ai ina tutū fale ua lē mafai ona faaauau ona o le leai o ni plasterboards. 

Ua faia faapitoa ai foi ma se vaega latou te gafa ma lenei faafitauli atoa ai ma le saili fautuaga poo ā nisi auala e mafai ona faaaogā mo lenei taimi. 

Ua tusi ai le minisita aga’i i le kamupani faufale a le Fletcher lea o loo tele ina tuua’ia ona o ia lea o loo onaina le 94% o plasterboards i le maketi tauala mai le GIB. 

I lea tusi ua faatalosagaina ai foi e le minisita o Fletcher ina ia vave tuu nei faiga taumafaata’u ae su’e se fofo. 

Ua tali le Fletcher i le tusi peitai ua o ni laisene e le vave mai mo le ‘au kamuta.